Öryggisverðir fyrir Ronaldo en fljótandi sápa fyrir Frakkana

Landsliðin sem taka þátt á HM í sumar gera mismunandi kröfur til mótshaldara og sumar kröfur liðanna eru mjög áhugaverðar.

Rýnum í nokkrar áhugaverðar kröfur sem gerðar eru til mótshaldara í Brasilíu. Portúgalar hafa farið fram á að fá sex öryggisverði. Fjórir þeirra eiga að hugsa eingöngu um að verja Cristiano Ronaldo.

Ekvadorarnir eru ekki alveg með sömu frekju. Þær sætta sig við körfu af banönum frá heimalandinu á hverjum degi. Leikmenn Úrúgvæ hafa áhyggjur af svefni og hafa því beðið um hljóðlausar viftur.

Frakkarnir vilja vera vel til hafðir og ekki síður vel lyktandi. Þeir vilja því ekki sjá sápustykki á sínum hótelherbergjum. Öll sápa þar skal vera í fljótandi formi.

Japanir vilja fá nuddpott í öll sín herbergi en leikmenn Hondúras vilja vera vel tengdir á Facebook og hafa því beðið um hraðara internet en öll hin liðin.

Svo er bara spurning hvernig mótshöldurum gengur að uppfylla þessar kröfur.