Áhöfn Nærabergs þakkar fyrir sig

Stýrimaðurinn á færeyska makrílveiðiskipinu Nærabergi þakkar af öllum þeim fjölmörgu sem þjónustuðu skipið og sýndu þeim ógleymanlegt vinarþel í bréfi sem hann birtir á Facebook-síðunni Færeyingar: Við biðjumst afsökunar.

Næraberg varð fyrir vélarbilun í síðustu viku þegar skipið var við makrílveiðar í lögsögu Grænlands. Flugvél Landhelgisgæslunnar flaug með varahluti til skipsins sem í kjölfarið gat siglt til Reykjavíkurhafnar. Áhöfnin fékk þá þau tilmæli að hún mætti ekki yfirgefa skipið né taka vistir í formi matar né olíu. Hafi ástæðan verið deila Íslendinga við önnur strandríki um veiðar á makríl. Málið vakti sterk viðbrögð bæði á Íslandi og í Færeyjum.

Fjölmargir Íslendingar brugðust við með því að veita þeim vistir, kökur, sælgæti, gos og fleira. Þakkar áhöfnin öllum þeim sem gerði túrinn svo sérstakan og eftirminnilegan. Rúmlega 13.600 hafa nú gengið í Facebook-hópinn.

Í tilkynningu frá þeim Valdísi Steinarrsdóttur og Rakel Sigurgeirsdóttir, sem stofnuðu Facebook-síðuna, segir að í bréfinu komi fram að áhafnarmeðlimir Nærabergs muni aldrei gleyma dvöl sinni hér á landi.

„Ástæðurnar er hlýhugurinn, velvildin og örlætið sem þeir mættu hvarvetna. Í bréfinu eru nokkrir þeirra taldir sem þeir vilja þakka en svo er líka fjöldi annarra sem þeir vilja þakka sérstaklega sem ekki eru nefndir með nöfnum. Þar má nefna lóðsara og Jón reddara (agent) og svo leigubílstjóra og verslunareigenda í Reykjavík sem þeir segja að hafi veitt þeim allt að helmingsafslátt á vörum og þjónustu.

Áhöfn Nærabergs þakkar Landhelgisgæslunni, sem flaug út með varahlut til þeirra 22. ágúst sl., hjartanlega fyrir aðstoðina þar sem þeir segja: „tað var ótrúliga flott, hjartans takk“. Svo þakka þeir: Gísla Gíslasyni, hafnarstjóra Faxaflóahafnar, Pétri Sigurgunnarssyni, Helga Hrafni Gunnarssyn, þingmanni Pírata, Valdísi (Addy) Steinarsdóttur, Rakel Sigurgeirsdóttur og loks þeim mikla fjölda sem hefur sýnt þeim hlýhug og stuðning í gegnum Facebook-síðuna: Færeyingar: Við biðjumst afsökunar.

Þeir þakka þessum og fleirum til og hrósa Reykjavík þar sem þeir segja að búi frábært og vinalegt fólk: „eftir eina sera góða uppliving í Reykjavík, ein tann flottasti byur ein kann koma til og eitt fantastiska vinarligt fólkaslag sum klappaðu okkum á herðarnar og bóðu okkum altíð at vera hjartaliga valkomnar aftur.“

Í bréfinu frá áhöfn makrílveiðiskipsins Næraberg er undirstrikað að þessum túr muni skipsverjar aldrei gleyma: „At enda vilja vit takk øllum so hjartaliga sum hava gjórt hendan túrin til nakað heilt heilt serligt, nakað vit ongantí koma at gloyma“ Þeir taka það svo fram að „takk“ er fátækt orð og vísa þar í texta danska sönvarans og leikarans Poul Bundgaard: „Danski sangarin og sjónleikarin Poul Bundgaard sáli sang tað so gott “tak er kun et fattigt ord” vit duga ikki at lýsa tað betur.“

Að lokum lýsa þeir ánægju sinni fyrir því að stjórnvöld beggja landa hafi sæst og vona að sá misskilningur sem varð til þess að þeim var vísað út úr 12 mílna lögsögunni og þar með neitað um nauðsynlega þjónustu verði leiðréttur þannig að annað eins hendi ekki aftur: „Til seinast eru vit sera fegnir um at Føroyskir og Íslenskir polittikara nú um dagarnar setast við samráðingarborðið og vónandi vera miskiljingar, sum vit upplivdu rættaðir, tí soleiðis kunnu vit ikki gera móti hvørjum øðrum.“