Elskar samsæriskenningar

Raftónlistargoðsögnin Richard D. James, betur þekktur sem Aphex Twin, var spurður út í skoðanir sínar á stjórnmálum í nýlegu viðtali við Q Magazine.

„Úff, hvar á maður eiginlega að byrja? Allur heimurinn er gjörsamlega „fokkt“, í stórum dráttum.“

Aphex, sem er reyndar þekktur fyrir mikinn grallaraskap, sagði síðan að hann væri handviss um að árásirnar á Tvíburaturnana hefðu verið skipulagðar af bandarískum stjórnvöldum og að hann tryði á Illuminati-samsærið.

„Dót á netinu um Illuminati, hina nýju heimsmynd og geimverur er einfaldlega þúsund sinnum betra en hvaða vísindaskáldskapur sem er, jafnvel þótt það sé ekkert satt í því,“ sagði hann.

„Ég trúi þessu öllu í stórum dráttum. Þú mátt ekki bara trúa á hluti sem hægt er að sanna. Það er drepleiðinlegt.“