Cannavaro klár í að taka við landsliði Ítalíu

Ítalska knattspyrnusambandið þarf nú að leita að nýjum landsliðsþjálfara eftir að CesarePrandelli sagði af sér eftir HM. Hann kom Ítalíu ekki upp úr riðli og lét af störfum samdægurs.

Fabio Cannavaro, fyrrverandi fyrirliði ítalska landsliðsins, er sagður koma til greina sem næsti þjálfari Ítalíu en hann leiddi liðið til sigurs á HM í Þýskalandi árið 2006.

„Auðvitað yrði það mikill heiður fyrir mig að vera þjálfari míns landsliðs en ég veit ekki hvað gerist. Ég er klár en við sjáum hvað verður,“ sagði Cannavaro í viðtali við ITV.

„Ég gæti ekki hafnað starfinu en ég veit ekki hvað menn vilja gera þarna og hver framtíðin er. Þetta eru mikilvægir tíma fyrir okkar samband.“

Fabio Cannavaro spilaði með Napoli, Parma, Inter, Juventus og Real Madrid á glæstum ferli, en hann er eini varnarmaðurinn sem kjörinn hefur verið besti leikmaður heims.