Erlent

Hluta miðborgar Óðinsvéa lokað vegna sprengjuógnar

Atli Ísleifsson skrifar
Dönsk lögregla mætti á staðinn og lokaði af svæði í kringum miðstöðina. Myndin tengist fréttinni ekki beint.
Dönsk lögregla mætti á staðinn og lokaði af svæði í kringum miðstöðina. Myndin tengist fréttinni ekki beint. Vísir/AFP
Lögregla í Óðinsvéum rýmdi og lokaði hluta miðborgarinnar vegna sprengjuógnar fyrr í dag.

Þetta kemur fram á vefnum fyens.dk. Um var að ræða svæði í kringum miðstöð fyrir atvinnuleitendur á Vindegade 18. Lögregla rýmdi fjölda húsa í nágrenni miðstöðvarinnar.

Sprengjusveit lögreglunnar og lögregluhundar rannsökuðu miðstöðina en engin sprengja fannst.

Að sögn fyens.dk barst slökkviliði og lögreglu tilkynning klukkan hálf tólf að íslenskum tíma og sendu bíla á vettvang.

Vindegade var lokað frá leikhúsi borgarinnar og að Asylgade. Þá var Jernbanegade, frá Vindegade og að Østre Stationsvej einnig lokað. Götur í kringum miðstöðina hafa nú verið opnaðar á ný.

Mest lesið


Fleiri fréttir

Sjá meira


×

Mest lesið