HM-messan gerir upp sextán liða úrslitin í kvöld

Sextán liða úrslitin á HM í Brasilíu klárast í kvöld og eftir seinni leik dagsins á milli Bandaríkjanna og Belgíu mun HM-messan gera upp alla leikina í sextán liða úrslitunum.

Guðmundur Benediktsson tekur fyrir alla átta leikina í sextán liða úrslitunum ásamt þeim Hjörvari Hafliðasyni og Reyni Leóssyni. Þátturinn hefst klukkan 23.00 og er sýndur á Stöð 2 Sport 2.

Farið verður yfir helstu atvikin og valin flottustu mörkin í sextán liða úrslitum auk þess að spáð verður í spilin fyrir viðureignirnar í átta liða úrslitunum.

HM-messan verður einnig á dagskrá eftir átta liða úrslitin (Klukkan 23.00 á laugardaginn) og eftir undanúrslitin (Klukkan 23.00 miðvikudaginn 9. júli) og þá verður einnig lokaþáttur eftir mótið þar sem öll heimsmeistarakeppnin í Brasilíu verður gerð upp.