Sýnir Sigurð

Nýtt skip Ísfélagsins í Vestmannaeyjum, Sigurður VE 15, kemur til hafnar í dag í Heimaey. Því stendur til að sýna skipið og bjóða upp á gos og Prins, eins og Eyþór Harðarson, útgerðarstjóri fyrirtækisins, kemst að orði.

Það þarf meira en létt innlit til að sjá sjófar þetta því það er 80 metra langt og mikið um sig.

Þetta eru endalok tólf daga siglingar sem hófst í Istanbúl í Tyrklandi.

Eyþór segir að haldið verði svo til makrílveiða öðru hvorum megin við verslunarmannahelgi.