Stefna að stofnanasamningum við lækna

Með stofnanasamningum yrðu launaflokka settir saman innan hverrar einnar heilbrigðisstofnunar. Launaflokkarnir hefðu svo áhrif á laun lækna eftir því hvernig ólíka störf þeirra yrðu metin.

Draga myndi úr miðstýringu launaflokka og útfærsla kjarasamninga verða meira á hendi yfirstjórnar hverrar stofnunar. Samninganefnd lækna segist þó ekki kannast við að neitt slíkt sé uppi á borðum og ljóst að stofnanasamningar verða umdeildir.

Deilt um meint einkavæðingaáform

Í sérstökum umræðum um læknaverkfallið á Alþingi sagði Ögmundur Jónasson fyrrverandi heilbrigðisráðherra Sjálfstæðisflokkinn hafa stefnt á aukinn einkarekstur í heilbrigðisþjónustunni og læknaverkfallið hvetji til þess að lengra verði stefnt í þá átt. Heilbrigðisráðherra segir hins vegar engin áform um að einvæðingu kerfisins. Ragnheiður Ríkharðsdóttir, formaður þingflokks Sjálfstæðisflokksins sagði í umræðunum að flokkurinn hefði ályktað um árabil að heilbrigðiskerfið ætti að reka með opinberu fé.

700 aðgerðum frestað með lengra verkfalli

Tveggja sólarhringa verkfall Læknafélags Íslands á skurðlækningasviði og geðsviði Landspítala lýkur núna á miðnætti og klukkan fjögur í dag hefja læknar í Skurðlæknafélags Íslands aftur störf. Á annað hundrað viðtölum hefur verið frestað á geðsviði og tæplega 190 aðgerðum verið frestað frá því að aðgerðir hófust auk 45 sérhæfðra augnaðgerða. Verði af öllum þremur verkfallslotunum er áætlað að um 700 skurðaðgerðir frestist.