Innlent

Þjóðverjar þurftu að samþykkja vopnagjöfina

Bjarki Ármannsson skrifar
Frá fundi þýsku ríkisstjórnarinnar fyrr í ár.
Frá fundi þýsku ríkisstjórnarinnar fyrr í ár. Vísir/AFP
Ríkisstjórn Þýskalands þurfti að samþykkja gjöf norska hersins á alls 310 MP5 hríðskotabyssum til íslensku Landhelgisgæslunnar. Þetta kemur fram í gögnum sem Landhelgisgæslan sendi frá sér nú í dag vegna umræðu um vopnagjöfina.

MP5 hríðskotabyssurnar eru framleiddar í Þýskalandi. Skýrt er kveðið á um það í samningnum um afhendingu þeirra að þýska efnahags- og orkumálaráðuneytið (Bundesministerium für Wirtschaft und Energie) þurfi að gefa skriflegt samþykki fyrir því að vopnin séu afhent Íslendingum. Slíkt samþykki hafi verið gefið út fyrir allar þrjár vopnagjafirnar sem áttu sér stað frá 2011 til 2014.

Í samningnum segir einnig að Landhelgisgæslunni sé óheimilt að gefa nokkrum þriðja aðila vopnin án skriflegs samþykkis þýska ráðuneytisins. Ekki er ljóst hvort þetta nái til afhendingar vopnanna til embættis Ríkislögreglustjóra en Landhelgisgæslan segist í tilkynningu hafa verið milliliður fyrir lögregluna. Í frétt DV um málið er fullyrt að lögreglan hafi skilað byssunum til Landhelgisgæslunnar um leið og hafið var að flytja fréttir af byssugjöfinni.

Uppfært kl. 19.06: Landhelgisgæslan hefur sent aðra tilkynningu til fjölmiðla í kjölfar fyrirspurnar DV þar sem fullyrt er ekki hafi þurft skriflegt leyfi til að afhenda lögreglu vopnin. Gæslan hafi tekið við vopnunum fyrir hönd íslenskra stjórnvalda. Henni sé einungis óheimilt að afhenda gjöfina þriðja aðila utan íslensks stjórnkerfis. 


Tengdar fréttir

Það sem við vitum um byssurnar frá norska hernum

Landhelgisgæslan hafði milligöngu um afhendingu á 150 MP5 hríðskotarifflum frá norska hernum til ríkislögreglustjóra. Formenn stærstu stjórnarandstöðuflokkanna gagnrýna harðlega að svo mikið magn vopna hafi verið afhent lögreglunni án sérstaks samþykkis ráðherra eða umræðu í þinginu.

Lögreglan ætlar ekki að borga fyrir vopnin

Samkvæmt kaupsamningi Landhelgisgæslunnar og norska hersins átti að greiða jafnvirði 11,5 milljóna króna fyrir 250 hríðskotabyssur. Ríkislögreglustjóri á von á að fá 150 byssur án endurgjalds. Gæslan segist ekki hafa greitt fyrir byssurnar.

Minna öryggi með vígbúnaði

Helgi Gunnlaugsson afbrotafræðingur segir að aukinn vopnaburður lögreglu ýti undir notkun á vopnum á meðal glæpamanna. Þá sé framandi veruleiki að lögreglan búi yfir hátæknivopnum, fólk hrylli við slíku.

Ráðherrar sverja af sér vélbyssur

Gunnar Bragi Sveinsson utanríkisráðherra segist ekki haft nein afskipti af komu 250 MP5-hríðskotabyssa hingað til lands. Hanna Birna Kristjánsdóttir innanríkisráðherra segir að lögreglan hafi heimild til að endurnýja búnað sinn án þess að ráðherra skipti

Utanríkisráðuneytið kom ekki að vopnakaupunum

Utanríkisráðherra segist með engum hætti hafa komið að kaupunum á vélbyssunum frá Noregi þvert á það sem kom fram á fundi Allsherjarnefndar Alþingis í vikunni.

MP5 sögð öruggari en skammbyssa

Ekkert lögregluembættanna hefur enn farið fram á að fá MP5-hríðskotabyssur til afnota en yfirmaður lögreglunnar á Akureyri segir hríðskotabyssurnar öruggari en skammbyssur og því verði líklega farið fram á að fá þær.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.