Stefnumótasíða fyrir hassreykingamenn

Ryan Moxon er 28 ára karlmaður sem stofnaði stefnumótasíðuna 420singles.net. Síðan er sérstök að því leiti að hún er eingöngu fyrir þá sem hafa unun að því að reykja hass.

Ryan er í viðtali við tímaritið Cosmopolitan en hann lýsir síðunni sem öðruvísi stefnumótasíðu fyrir fólk sem elskar marijúana en 420 vísar í mikilvæga tölu í kannabiskúltúrnum. 

Rúmlega 29 þúsund meðlimir eru á síðunni og margir greiða tíu dollara gjald fyrir tveggja mánaða lúxusáskrift. En af hverju stofnaði hann síðuna?

„Guð, það var ýmislegt sem orsakaði það. Ég var búinn að leika mér með Wordpress í nokkur ár og einn daginn sat ég heima, ég átti engan mat, var staurblankur, með enga háskólamenntun. Ég hugsaði: gaur, ég veit hvernig á að búa til síður, ég ætti bara að gera það. Og síðan varð mér ljóst að ég væri einhleypur og byrjaði að leita að 420-stefnumótasíðum en fann enga almennilega og þannig sá ég þetta tækifæri,“ segir Ryan. Hann segir að honum hafi verið hafnað á öðrum stöðum, til dæmis Tinder og Match, út af því að hann reykir gras.

„Ég setti á síðuna mína að ég reykti og síðunni minni var eytt. Það var fyrir mörgum árum. Og ég veit að það hefur gerst fyrir fullt af öðru fólki líka,“ segir Ryan.

En hefur hann prófað síðuna sína sjálfur?

„Ég reyni, ég geri það virkilega. En ég hef ekki verið heppinn hingað til. Ég hef stundum næstum því orðið heppinn. Það var stelpa sem mig langaði á stefnumót með en hún býr í fjörutíu mílna fjarlægð og bíllinn minn er svo mikill skrjóður,“ segir Ryan.

Hér er viðtalið við hann í heild sinni.