Hertar aðgerðir gegn Rússum

Evrópusambandið samþykkti í gær nýjar refsiaðgerðir gegn Rússum vegna stuðnings þeirra við aðskilnaðarsinna í Úkraínu.

Aðgerðirnar, sem eiga að taka gildi á næstu dögum, beinast meðal annars að rússneskum olíufyrirtækjum og takmarka aðgengi þeirra að evrópskum fjármálamörkuðum. Herman Van Rompuy, forseti leiðtogaráðs ESB, segir að sambandið sé tilbúið að endurskoða þessar aðgerðir ef ástandið í austurhluta Úkraínu breytist.

Aðskilnaðar slepptu í gær tólf hundruð stríðsföngum úr haldi og er það í samræmi við vopnahléssamkomulagið sem var undirritað á föstudag. Til minniháttar átaka kom í austurhluta Úkraínu um síðustu helgi en svo virðist sem báðir aðilar hafi virt vopnahléssamkomulagið í gær.