Skaut leiðbeinanda sinn til bana með Uzi vélbyssu

Níu ára gömul stúlka í Arizona í Bandaríkjunum skaut á mánudag byssuleiðbeinanda sinn til bana fyrir slysni. Kennarinn var að sýna barninu hvernig ætti að skjóta af Uzi vélbyssu og þegar hún tók í gikkinn var slagið svo mikið að hún missti stjórn á byssunni sem snérist í höndum hennar á meðan hún var enn að skjóta þannig að ein kúlan fór í höfuð kennarans.

Ekki er ljóst hvort aldurstakmark hafi verið í byssuklúbbnum þar sem atvikið átti sér stað en slíkt mun ekki vera algilt í Arizona.