Þjálfari Portúgal: Ekki gott fyrir liðið að nota Ronaldo sem fremsta mann

Paulo Bento, þjálfari portúgalska landsliðsins í knattspyrnu, hefur fengið gagnrýni á sig eftir að HM lauk fyrir að nota ekki Cristiano Ronaldo sem framherja á mótinu.

Portúgalska liðið átti ekki góða daga í Brasilíu en það lauk keppni eftir töp gegn Bandaríkjunum og Þýskalandi í G-riðlinum.

Sumir sparkspekingar í Portúgal vildu sjá Ronaldo sem fremsta mann, sérstaklega vegna meiðsla framherjanna HugoAlmeida og HeldersPostiga. Bento finnst þó betra að nota hann á kantinum.

„Ég leit aldrei á Ronaldo sem oddinn á spjótinu. Það kom aldrei til greina í mínum huga að nota Ronaldo sem fremsta mann,“ segir Bento í viðtali við TV1.

„Það er ekki gott fyrir hann upp á að skora mörk að spila sem fremsti maður og ekki gott fyrir liðið. Við töluðum að sjálfsögðu um þennan möguleika. Honum leið ekki vel í þeirri stöðu en það var ekkert sem hann þurfti að segja mér,“ segir Paulo Bento.