Ung blaðakona syrgð í Argentínu

Maria Soledad Fernandez, 26 ára íþróttafréttamaður, lést í bílslysi í Brasilíu á dögunum þar sem hún var við störf vegna heimsmeistarakeppninnar.

Eftir leik Argentínu og Sviss í 16-liða úrslitum keppninnar í fyrradag ók hún af stað frá Sao Paulo til Belo Horezonte ásamt tveimur starfsfélögum.

Ökumaður bifreiðarinnar missti svo stjórn á henni þegar ekið var aftan á hana við Olivera, um 150 km frá áfangastaðnum. Fernandez, sem var ekki í bílbelti, lést á vettvangi en starfsfélagar hennar hlutu smávægilega áverka.

Mikið hefur verið fjallað um málið í fjölmiðlum í Argentínu en faðir hennar, Titi Ferandez, er þekktur íþróttafréttamaður þar í landi. Talsmaður landsliðs Argentínu sagði að leikmenn væru slegnir vegna þesa og Ezequiel Lavezzi, leikmaður liðsins, vottaði fjölskyldunni samúð á Twitter-síðu sinni.

Inmenso dolor por la muerte de la hija de Tití Fernández, un abrazo gigante a él y a toda su familia.

— Pocholavezzi (@PochoLavezzi) July 2, 2014

Maria Fernandez með föður sínum:

Festejando mi cumple con mi hija Sole que se apareció de sorpresa en Belo Horizonte pic.twitter.com/peIV4RxJxE

— Titi Fernandez (@titifernandez1) June 17, 2014