Prandelli býst við erfiðum leik

Cesare Prandelli, þjálfari ítalska landsliðsins, telur að liðið þurfi að gæta sín á Kosta Ríka í leik liðanna í dag. Kosta Ríka kom mörgum á óvart með 3-1 sigri á Úrúgvæ í fyrstu umferð riðlakeppninnar.

Kosta Ríka drógst í dauðariðilinn með Úrúgvæ, Englandi og Ítalíu en vann sannfærandi sigur á Úrúgvæ á laugardaginn. Kosta Ríka var fyrirfram talið slakasta lið riðilsins en Prandelli býst við erfiðum leik.

„Þegar ég var spurður út í liðin í riðlinum varaði ég fólk við liði Kosta Ríka. Þeir eru með skipulagt lið sem leikur með hjartanu. Þeir áttu skilið að sigra Úrúgvæ og þetta verður erfiður leikur fyrir okkur,“ sagði Prandelli.