Neymar með tvö og Brasilía vann riðilinn

Brasilía átti ekki í teljandi vandræðum með að leggja Kamerún að velli, 4-1, í lokaumferð A-riðils heimsmeistaramótsins í fótbolta í kvöld.

Neymar kom Brössum af stað með marki á 17. mínútu en Kamerúnar jöfnuðu reyndar metin níu mínútum síðar. Var þar að verki JoëlMatip.

Neymar kom Brasilíu aftur yfir á 34. mínútu og það var svo Fred sem skoraði þriðja markið á 49. mínútu eftir fallega fyrirgjöf DavidsLuiz.

Brassar héldu veislunni áfram því miðjumaðurinn Fernandinho skoraði fjórða markið á 85. mínútu og tryggði sínum mönnum 4-1 sigur.

Síle tapaði úrslitaleiknum um efsta sætið í B-riðli í dag og mætir því Brasilíu í 16 liða úrslitum í Belo Horizonte 28. júní.

Sömu lið mættust á sama stigi keppninnar fyrir fjórum árum en þá vann Brasilía 3-0 sigur með mörkum Juan, LuisFabiano og Robinho.