Innlent

Leitin í Bleiksárgljúfri heilmikið fyrirtæki

Stefán Ó. Jónsson skrifar
Á myndunum má sjá hvernig björgunarsveitarmenn reyna að koma stærðarinnar röri fyrir í gljúfrinu.
Á myndunum má sjá hvernig björgunarsveitarmenn reyna að koma stærðarinnar röri fyrir í gljúfrinu. MYnd/Sigfús Helgason
Slysavarnarfélagið Landsbjörg birti fyrr í kvöld magnaðar myndir af leitinni í Bleiksárgljúfri að Ástu Stefánsdóttur sem ekkert hefur spurst til síðan um Hvítasunnuna.

Á myndunum má sjá flokk manna koma fyrir röri í gljúfrinu sem beina á ánni í annan farveg til að auðvelda þeim leitina í einum af hyljum gljúfursins. Er þetta liður í kembingu björgunarsveitarmanna á Bleiksá og hafa þeir áður dælt upp úr ánni með fyrrgreint markmið í huga.

Ólöf S. Baldursdóttir, upplýsinga- og kynningarfulltrúi Landsbjargar, segir leitina mikið fyrirtæki - eins og myndirnar beri með sér og enginn hægðarleikur að athafna sig í gljúfrinu.



Hún segir að hlé verði því gert á leitinni fram að helgi. „Þeir sem taka þátt í aðgerðunum eru allir sjálfboðaliðar og þeir þurfa að mæta í vinnu og skóla í vikunni," segir Ólöf í samtali við Vísi.

Fárra fregna er því að vænta af leitinni á næstu dögum.

„Nema að nýjar vísbendingar komi fram í vikunni, sem ég hef þó ekki mikla trú á," bætir hún við.

Myndir af aðgerðunum má nálgast hér að ofan en þær tók Sigfús Helgason.

Post by Slysavarnafélagið Landsbjörg.

Tengdar fréttir

Leitað í Bleiksárgljúfri í dag

Reynt verður að minnka vatnsmagn fossins í Bleiksárgljúfri og verður hluti fossins stíflaður. Þá verður gljúfrið lýst upp og munu leitarmenn síga niður með gilbörmunum.

Bræður Pino komnir til Íslands

Pino Becerra Bolanos, sem lést í Bleiksárgljúfri, verður brennd hér á landi og askan flutt til Spánar í lok vikunnar.

Fótsporin ekki eftir Ástu

Rannsóknarlögreglumenn og fótsporasérfræðingar komust að því að spor eftir beran fót sem fundust í Fljótshlíð hafi ekki verið eftir íslensku konuna sem hvarf.

Mest lesið


Fleiri fréttir

Sjá meira


×

Mest lesið