Innlent

Leitað í Bleiksárgljúfri í dag

Sunna Karen Sigurþórsdóttir skrifar
vísir/vilhelm
Leit að Ástu Stefánsdóttur, sem saknað hefur verið frá því um hvítasunnuhelgina, verður áframhaldið í dag. Reynt verður að minnka vatnsmagn fossins í Bleiksárgljúfri og verður hluti fossins stíflaður. Þá verður gljúfrið lýst upp og munu leitarmenn síga niður með gilbörmunum. Að sögn Sveins K. Rúnarssonar yfirlögregluþjóns á Hvolsvelli er töluverður hópur að leggja af stað í leit að Ástu og mun leitin að öllum líkindum standa fram á kvöld. Ekki var leitað að henni í gær og ekki liggur fyrir hvort leitað verði á morgun.

Mjög umfangsmikil leit hefur staðið yfir að Ástu í tæpar tvær vikur. Hátt í 200 björgunarsveitarmenn hafa komið að leitinni án nokkurs árangurs.

Ásta Stefánsdóttir er 35 ára lögfræðingur. Hún er hávaxin og grönn með ljóst skollitað hár. Kærasta Ástu, Pino Becerra, fannst látin við botn Bleiksársgljúfurs síðastliðinn þriðjudag og talið var að hún hefði drukknað. Krufning leiddi í ljós að Pino lést við þrjátíu metra fall niður gljúfrið. Föt kvennanna fundust við gljúfurbrúnina og eru þau eina vísbendingin um Ástu. Lögreglan telur nær útilokað að Ásta finnist á lífi úr þessu.

 


Tengdar fréttir

Leitað í hyljum og vötnum í dag

Fjöldi björgunarsveitarmanna leitaði fram á nótt að konunni, sem saknað er í Fljótshlíðinni, en án árangurs.

Leita á víðara svæði

„Það hefur verið leitað nánast samfleitt. Sumir leitarhópar hvíldu sig einungis í um tvo tíma,“ segir Sveinn Kristján Rúnarsson, yfirlögregluþjónn á Hvolsvelli.

Leitin enn engan árangur borið

Leitað var til klukkan þrjú í nótt og voru fyrstu hópar aftur byrjaðir að leita klukkan átta í morgun.

Hefja leit í Bleiksárgljúfri á ný

"Við teljum okkur samt sem áður hafa leitað ansi vel. En þetta gljúfur er mjög flókið og ekkert lamb að leika sér við.“

Leit í Bleiksárgljúfri í gær skilaði engum árangri

Leitarhópar fóru í gærkvöld um svæðið í kringum Bleiksárgljúfur til leitar að Ástu Stefánsdóttur sem ekkert hefur spurst til síðan um Hvítasunnuna. Leitin skilaði engum árangri og segir Sveinn Rúnarsson lögreglustjóri á Hvolsvelli að deginum í dag verði varið í undirbúning en um helgina stendur til að fara í gljúfrið með öflugri tól og tæki.

Fundu fótspor eftir berfætta manneskju

Leit stendur enn yfir að konu sem saknað er eftir sumarbústaðaferð í Fljótshlíð. Fótspor eftir berfætta manneskju fannst í morgun um þremur kílómetrum austan við Bleiksárgljúfur.

Stífluðu fossinn í leit að konunni

Hluti fossins í Bleiksárgljúfri var í kvöld stíflaður og seig þar kafari niður í þeirri von um að finna konuna sem leitað hefur verið síðan á sunnudag. Aðgerðin tók tæpa fimm klukkutíma en fannst konan ekki þar.

Bræður Pino komnir til Íslands

Pino Becerra Bolanos, sem lést í Bleiksárgljúfri, verður brennd hér á landi og askan flutt til Spánar í lok vikunnar.

Fótsporin ekki eftir Ástu

Rannsóknarlögreglumenn og fótsporasérfræðingar komust að því að spor eftir beran fót sem fundust í Fljótshlíð hafi ekki verið eftir íslensku konuna sem hvarf.

Minnast þjálfara síns með hlýhug

Konan sem lést í Fljótshlíð um helgina skilur eftir sig djúp spor hjá Stjörnuhlaupurum sem æfðu undir hennar leiðsögn.

Leggja megin áherslu á sporin

"Megin áhersla leitarinnar í dag eru að elta þau spor sem fundust,“ segir Sveinn Kristján Rúnarsson, yfirlögregluþjónn á Hvolsvelli.

Mest lesið


Fleiri fréttir

Sjá meira


×

Mest lesið