Aron í sigurliði í Sao Paulo

Það var létt yfir Aroni Jóhannssyni og félögum eftir æfingu bandaríska landsliðsins í Sao Paulo í Brasilíu í dag en Bandaríkin undirbúa sig nú af kappi fyrir síðasta leik G-riðils þar sem liðið mætir Þýskalandi.

Aron var í sigurliðinu á æfingu í dag en hann setti inn mynd af sjálfum sér ásamt JermaineJones, BradDavis og BradGuzan á Instagram eftir æfinguna og skrifaði: „Auðveldur sigur á æfingu í dag!!“

Það virðist létt yfir bandaríska liðinu þó það eigi fyrir höndum gríðarlega erfiðan leik gegn Þýskalandi á fimmtudaginn.

Tap þar og sigur Gana á Portúgal getur sent Bandaríkjamenn heim sem yrðu grimm örlög í ljósi þess að Bandaríkin voru aðeins sekúndum frá því að vinna Portúgal í öðrum leik riðilsins.