Scolari ósáttur með Howard Webb

Luiz Felipe Scolari, þjálfari Brasilíu, vonast til að hans skærasta stjarna, Neymar, verði klár í slaginn gegn Kólumbíu í 8-liða úrslitum HM á föstudaginn.

Þessi 22 ára gamli leikmaður Barcelona fékk þungt högg á lærið í leiknum gegn Chile í gær, en hann skoraði svo vítið sem kom Brössunum í 8-liða úrslitin.

„Við munum gera okkar besta í að koma honum á völlinn," sagði Scolari.

„Það verður að gefa Neymar hrós fyrir það sem  hann gerði, því hann gerði vel," hélt Scolari áfram og var ekki sáttur með hversu litla vernd Neymar fékk frá dómara leiksins, Howard Webb.

„Hann spilaði í 75 mínútur eftir að það hafi verið sparkað fast í lærið á honum og við gátum ekki skilið hvernig eitthver getur sparkað af þessum krafti og ekki fengið spjald," sagði þessi þaulreyndi þjálfari.