Rooney ánægður með Rodgers

Wayne Rooney, leikmaður Manchester United og enska landsliðsins, hrósaði Brendan Rodgers, knattspyrnustjóra Liverpool í viðtölum fyrir þátt sinn í framförum Daniel Sturridge undanfarna mánuði.

Sturridge sem leikur með Liverpool hefur tekið gríðarlegum framförum undir stjórn Rodgers og spilar þáttur Rodgers stóran hluta af því að mati Rooney.

„Hann er frábær framherji og það er gaman að sjá hann blómstra. Brendan Rodgers á hrós skilið fyrir framfarir hans. Hann flakkaði milli liða og átti í erfiðleikum með að festa sig í sessi í einhverri stöðu en hann hefur verið óstöðvandi síðan hann kom til Liverpool.“

Rooney og Sturridge munu að öllum líkindum byrja saman í fremstu víglínu þegar England mætir Ítalíu á morgun. Rooney vonast til þess að samvinna hans og Sturridge geti náð sömu hæðum og samvinna Sturridge og Luis Suarez í vetur.

„Sturridge og Suarez var besta framlína ensku úrvalsdeildarinnar á síðasta tímabili, það er á hreinu. Við höfum haft tíma til að vinna í hlutum undanfarnar vikur og vonandi getum við notfært okkur það,“ sagði Rooney.

Stöð 2 Sport 2 verður með 18 leiki í beinni frá HM í Brasilíu, þar af alla leiki Arons Jóhannssonar. Gummi Ben verður svo með HM-messu þar sem sérfræðingar fara yfir leiki dagsins og hita upp fyrir leik kvöldsins.

Kynntu þér málið nánar á 365.is.