Mistök Akinfeev kostuðu Rússa stig

Belgar sitja einir á toppi H-riðils HM þar sem Rússland og Suður-Kóreu gerðu 1-1 jafntefli í kvöld.

Fyrri hálfleikur var í raun það leiðinlegur að hann á ekki skilið að það verði skrifað um hann. Ætla þar með að sleppa því.

Eðlilega lifnaði aðeins yfir leiknum í síðari hálfleik og fyrsta markið kom rúmum 20 mínútum fyrir leikslok. Það var líka skrautlegt.

KH Lee með ekkert sérstakt skot fyrir utan teig. Skotið beint á Akinfeev sem tókst á einhvern ótrúlegan hátt að missa boltann inn í markið. Klúður mótsins til þessa.

Rússar létu þessi mistök ekki slá sig út af laginu og Alexander Kerzhakov jafnaði metin með skoti af stuttu færi eftir mikinn atgang í teignum.

Þetta var 26. landsliðsmark hans og hann er því orðinn markahæsti Rússinn frá upphafi ásamt Vladimir Beschastnykh.

Rússar sóttu af krafti lokamínúturnar en náðu ekki að koma inn öðru marki.