Fótbolti

Casillas baðst afsökunar

Eiríkur Stefán Ásgeirsson skrifar
Vísir/Getty
Iker Casillas átti erfitt með að útskýra slæmt gengi Spánverja á HM í Brasilíu en heims- og Evrópumeistararnir féllu úr leik í gær.

„Það er erfitt að útskýra þessi tvö töp. Við biðjum stuðningsmenn afsökunar,“ sagði Casillas sem fékk á sig samtals sjö mörk í leikjunum gegn Hollandi og Síle.

„Þessi hópur leikmanna á betra skilið. En við getum sjálfum okkur um kennt og erum í miklu uppnámi vegna þessa. En við verðum að horfa til framtíðar og koma okkur á beinu brautina.“

Vicente del Bosque landsliðsþjálfari sagði að leikmenn hefðu lagt mikið á sig en að þeir hefðu tapað fyrir betra liði í gær.

„Ef ég hefði ekki séð þetta með eigin augum myndi ég ekki trúa þessu,“ sagði hann. „Það er samt ekki tímabært nú að meta framtíð mína eða þessa liðs. Ég tek öllu því sem þessir leikmenn hafa fært mér í gegnum tíðina.


Tengdar fréttir

Heimsmeisturunum hent heim

Heimsmeistarar Spánverja eru á heimleið. Það er ljóst þó svo enn eigi eftir að spila eina umferð í riðlakeppninni. Hörmulegir Spánverjar töpuðu gegn Síle í kvöld, 2-0.




Fleiri fréttir

Sjá meira


×