Nasri og Clichy ekki í HM-hópi Frakka

Manchester City-mennirnir Samir Nasri og Gael Clichy verða ekki með Frökkum á HM í Brasilíu í sumar.

Didier Deschamps, landsliðsþjálfara Frakka, tilkynnti lokahóp sinn í dag og sagði við það tilefni að hann hefði valið besta hópinn - ekki endilega 23 bestu leikmennina.

„Ég mun horfa á HM í sjónvarpinu,“ sagði Nasri við franska fjölmiðla um helgina og virtist hafa sætt sig við að hann væri ekki í náðinni hjá Deschamps. „Ég sé ekki eftir neinu ef það er ekki nóg að vera í byrjunarliði hjá félagi eins og Manchester City og vinna tvo titla.“

Hugo Lloris, markvörður Tottenham, var valinn í hópinn sem og þeir Olivier Giroud, Bacary Sagna og Laurent Koscielny en þeir leika allir með Arsenal.

Hvorki Nasri né Clichy eru í hópi þeirra sjö varamanna sem hægt er að kalla til vegna forfalla.

Hópurinn:

Markverðir: Mickaël Landrea, Hugo Lloris, Steve Mandanda

Varnarmenn: Mathieu Debuchy, Lucas Digne, Patrice Evra, Laurent Koscielny, Eliaquim Mangala, Bacary Sagna, Mamadou Sakho, Raphaël Varane

Miðjumenn: Yohan Cabaye, Clément Grenier, Blaise Matuidi, Rio Mavuba, Paul Pogba, Moussa Sissoko, Mathieu Valbuena

Framherjar: Karim Benzema, Olivier Giroud, Antoine Griezmann, Loic Rémy, Franck Ribéry

Til vara: Rémy Cabell, Maxime Gonalon, Alexandre Lacazett, Loïc Perri, Stéphane Ruffie, Morgan Schneiderli, Benoît Tremoulinas