ÍBV styrkir sig

ÍBV hefur styrkt sig fyrir átökin í Pepsí deild karla í fótbolta í sumar með því að semja við 25 ára gamlan kantmann frá Trinidad & Tobago að nafni Dominic Adams.

Dominic Adams lék áður með Vermont Voltage sem leikur í þróunardeild í Bandaríkjunum, sem er ígildi fjórðu efstu deildar þar í landi.

Adams var til reynslu hjá ÍBV í vetur og lék æfingaleiki með liðinu og í kjölfar þess ákvað félagið að semja við hann.

Hann æfði á sínum yngri árum með félögum á borð við Wolves, Birmingham City og Watford en hann er snöggur og vinnusamur kantmaður.