Vildu fara gegn augljósum hugmyndum Friðrika Benónýsdóttir skrifar 21. nóvember 2014 11:30 Marta Nordal, leikstjóri Ofsa, og Edda Björg Eyjólfsdóttir, sem leikur örlagavaldinn Þuríði. Vísir/GVA Við Jón Atli Jónasson unnum leikgerð upp úr skáldsögunni Ofsa eftir Einar Kárason en við erum með ákveðið konsept sem tekur verkið út úr þeim hugmyndum sem við höfðum um það hvernig bæri að sviðsetja þetta verk,“ segir Marta Nordal, leikstjóri leikhópsins Aldrei óstelandi, sem á sunnudaginn frumsýnir Ofsa í Kassanum. „Þetta er eins og með Macbeth og grísku harmleikina að þú sérð fyrir þér ákveðna hluti þegar þú hugsar um þá á leiksviði. Ofsi er auðvitað líkur Macbeth að innihaldi; Þuríður eggjar manninn sinn til illra verka eins og Lady Macbeth, en við völdum þá leið að hunsa tenginguna og ákváðum í staðinn að leika okkur að leikhúsforminu, leggja áherslu á hljóð frekar en mynd. Þetta eru svo myndrænir atburðir að setja á svið að okkur langaði að fara gegn því og hljóðgera atburðina í stað þess að myndgera þá.“ Marta segir að þegar áhorfendur gangi í salinn detti þeim fremur í hug tónleikasett en raunsæ leikmynd og leikararnir séu prúðbúnir að hætti höfðingja sögutímans en þó ekki í fatnaði frá þeim tíma. „Svo kjörnum við söguna þannig að það eru bara fjórir leikarar í sýningunni og þeir leika bara fjóra karaktera og síðan nafnlausan skara. Við erum einungis með þessa fjóra karaktera úr bókinni: Gissur Þorvaldsson, Eyjólf ofsa, Hrafn Oddsson og Þuríði eiginkonu Eyjólfs. Áherslan liggur á þeirra hjónabandi og síðan áhrifum Gissurar á þau og Hrafn.“ Edda Björg Eyjólfsdóttir, Friðrik Friðriksson, Oddur Júlíusson og Stefán Hallur Stefánsson leika persónurnar fjórar, Stígur Steinþórsson gerði leikmynd, Helga I. Stefánsdóttir búninga, Lárus Björnsson lýsir og um útsetningu og hönnun tónlistar sér Eggert Pálsson. „Það er bæði sungið og spilað á sviðinu og spiluð tónlist af bandi í sýningunni,“ segir Marta. „Leikararnir syngja meðal annars kveðskap úr Sturlungu, þannig að þetta er allt mjög þjóðlegt.“ Eins og áður sagði sömdu þau Marta, Jón Atli og leikhópurinn leikgerðina í sameiningu, héldu þau sig alveg við texta Einars? „Jón Atli lagði fram leikgerð sem við síðan tókum og unnum á gólfinu,“ útskýrir Marta. „Hún tók auðvitað miklum breytingum í ferlinu, eins og alltaf gerist. Meginhluti textans er frá Einari en Jón Atli á líka dálítið af honum.“ Frumsýningin verður í Kassanum á sunnudaginn og sex aðrar sýningar eru komnar í sölu en Marta segist ekki vita á þessari stundu hversu margar þær verði. „Við erum ásamt Þjóðleikhúsinu að reyna að finna meiri tíma fyrir okkur og vonandi gengur það upp.“ Menning Mest lesið Gríman 2024: Saknaðarilmur hlaut flestar tilnefningar Menning Þórdís Björk og Júlí Heiðar eignuðust hárprúða stúlku Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Matti og tengdó selja 220 milljóna króna einbýlishús Lífið Af vængjum fram: Búlgörsku mafíunni að mæta yrði Ásdísi dömpað Lífið Inga Lind selur íbúð við Valshlíð Lífið Endurtekið hvött til að hvíla bláa litinn Lífið Gleðitár hjá hundrað konum á Geysi Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Við Jón Atli Jónasson unnum leikgerð upp úr skáldsögunni Ofsa eftir Einar Kárason en við erum með ákveðið konsept sem tekur verkið út úr þeim hugmyndum sem við höfðum um það hvernig bæri að sviðsetja þetta verk,“ segir Marta Nordal, leikstjóri leikhópsins Aldrei óstelandi, sem á sunnudaginn frumsýnir Ofsa í Kassanum. „Þetta er eins og með Macbeth og grísku harmleikina að þú sérð fyrir þér ákveðna hluti þegar þú hugsar um þá á leiksviði. Ofsi er auðvitað líkur Macbeth að innihaldi; Þuríður eggjar manninn sinn til illra verka eins og Lady Macbeth, en við völdum þá leið að hunsa tenginguna og ákváðum í staðinn að leika okkur að leikhúsforminu, leggja áherslu á hljóð frekar en mynd. Þetta eru svo myndrænir atburðir að setja á svið að okkur langaði að fara gegn því og hljóðgera atburðina í stað þess að myndgera þá.“ Marta segir að þegar áhorfendur gangi í salinn detti þeim fremur í hug tónleikasett en raunsæ leikmynd og leikararnir séu prúðbúnir að hætti höfðingja sögutímans en þó ekki í fatnaði frá þeim tíma. „Svo kjörnum við söguna þannig að það eru bara fjórir leikarar í sýningunni og þeir leika bara fjóra karaktera og síðan nafnlausan skara. Við erum einungis með þessa fjóra karaktera úr bókinni: Gissur Þorvaldsson, Eyjólf ofsa, Hrafn Oddsson og Þuríði eiginkonu Eyjólfs. Áherslan liggur á þeirra hjónabandi og síðan áhrifum Gissurar á þau og Hrafn.“ Edda Björg Eyjólfsdóttir, Friðrik Friðriksson, Oddur Júlíusson og Stefán Hallur Stefánsson leika persónurnar fjórar, Stígur Steinþórsson gerði leikmynd, Helga I. Stefánsdóttir búninga, Lárus Björnsson lýsir og um útsetningu og hönnun tónlistar sér Eggert Pálsson. „Það er bæði sungið og spilað á sviðinu og spiluð tónlist af bandi í sýningunni,“ segir Marta. „Leikararnir syngja meðal annars kveðskap úr Sturlungu, þannig að þetta er allt mjög þjóðlegt.“ Eins og áður sagði sömdu þau Marta, Jón Atli og leikhópurinn leikgerðina í sameiningu, héldu þau sig alveg við texta Einars? „Jón Atli lagði fram leikgerð sem við síðan tókum og unnum á gólfinu,“ útskýrir Marta. „Hún tók auðvitað miklum breytingum í ferlinu, eins og alltaf gerist. Meginhluti textans er frá Einari en Jón Atli á líka dálítið af honum.“ Frumsýningin verður í Kassanum á sunnudaginn og sex aðrar sýningar eru komnar í sölu en Marta segist ekki vita á þessari stundu hversu margar þær verði. „Við erum ásamt Þjóðleikhúsinu að reyna að finna meiri tíma fyrir okkur og vonandi gengur það upp.“
Menning Mest lesið Gríman 2024: Saknaðarilmur hlaut flestar tilnefningar Menning Þórdís Björk og Júlí Heiðar eignuðust hárprúða stúlku Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Matti og tengdó selja 220 milljóna króna einbýlishús Lífið Af vængjum fram: Búlgörsku mafíunni að mæta yrði Ásdísi dömpað Lífið Inga Lind selur íbúð við Valshlíð Lífið Endurtekið hvött til að hvíla bláa litinn Lífið Gleðitár hjá hundrað konum á Geysi Lífið Fundu föt við hæfi á síðustu stundu fyrir Cannes Bíó og sjónvarp Fleiri fréttir Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira