Borgarstjóri Berlínar hættir í desember

Klaus Wowereit, borgarstjóri þýsku höfuðborgarinnar Berlínar, hefur tilkynnt að hann láti af embætti þann 11. desember næstkomandi. Wowereit hefur verið mikið gagnrýndur vegna nýs flugvallar sem enn er beðið að opni.

Í frétt BBC segir að Wowereit hafi tekið við embættinu árið 2001 og átt þátt í að gefa borginni „fátæka en þokkafulla“ ímynd.

Wowereit er Jafnaðarmaður og hefur notið mikilla vinsæla í starfi en flugvallarmálið hefur reynst honum erfitt. Upphaflega stóð til að Berlin-Brandenburg flugvöllurinn myndi opna síðla árs 2011 en hann hefur enn ekki opnað.