Oxlade-Chamberlain að verða leikfær

Alex Oxlade-Chamberlain tók þátt í æfingu enska landsliðsins í dag og er í myndinni fyrir leik liðsins gegn Úrúgvæ á fimmtudaginn.

Liðbönd Oxlade-Chamberlain í hnénu sködduðust í æfingarleik Englands gegn Ekvador á dögunum.

Talið var í fyrstu að hann myndi missa af Heimsmeistaramótinu en Oxlade-Chamberlain hefur verið í stífri endurhæfingu og gæti náð næsta leik Englendinga.

Þátttaka Oxlade-Chamberlain voru ekki einu góðu fréttirnar fyrir Roy Hodgson, þjálfara enska liðsins. Daniel Sturridge gat tekið þátt af fullum krafti en hann varð fyrir höggi í leiknum og fór stuttu síðar af velli.