Barnafréttir á Twitter

Leikarinn Hugh Grant er nú stoltur tveggja barna faðir. Hjartaknúsarinn tilkynnti að hann væri búinn að eignast sitt annað barn á Twitter-síðu sinni í gær.

"Til að svara nokkrum blaðamönnum er ég í skýjunum að dóttir mín eigi nú bróður. Ég dýrka þau bæði. Þau eiga æðislega móður," skrifaði þessi 52ja ára sjarmör.

"Og svo það sé á tæru. Ég er pabbinn," bætti hann svo við.

Barnsmóðir Hughs heitir Tinglan Hong en saman eignuðust þau dótturina Tabitha í september árið 2011. Þá var því haldið fram að lítil alvara væri í sambandi þeirra en eftir fæðingu dótturinnar hefur færst hiti í leikinn. Svo mikill hiti að úr varð annað barn.

Þú gætir unnið - vertu með okkur á Facebook.