Lífið

Sigga Lund situr fyrir nakin

Ellý Ármanns skrifar
"Ég var frekar stressuð að byrja. Hef aldrei gert þetta áður," svarar Sigga Lund fjölmiðlakona sem heldur úti vefnum Siggalund.is spurð hvernig henni leið að sitja fyrir kviknakin eins og sjá má á meðfylgjandi mynd eða öllu heldur auglýsingu.

Um er að ræða námskeið á hennar vegum sem ber yfirskriftina "Sjálfstraust óháð likamsþyngd. Líkamsvirðing - sjálfsvirðing; Frá átökum og öfgum yfir í vellíðan, virðingu og sátt".

Aðalsteinn Sigurðarson kærasti Siggu Lund tók myndina af henni fyrir auglýsinguna en hann er ljósmyndari.
"En svo var þetta bara allt í lagi. Það hjálpaði að ljósmyndarinn er kærasti minn. Aðstoðarkonan og hann sköpuðu afslappað andrúmsloft svo ég slakaði á. Þetta var ekkert mál fyrir rest," segir hún spennt.

Umrætt námskeið sem Sigga heldur í samvinnu við sálfræðinga og fagaðila fer fram í Salnum í Kópavogi 19. febrúar næstkomandi.

Þessi mynd var tekin á síma (Instagram) í myndatökunni af Fríðu Guðmundsdóttur, Siggu og Önnu Sigurðardóttur.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.