Messi þarf líka að skipta út af

Gerardo Martino, þjálfari Barcelona, segir að landi hans, Argentínumaðurinn Lionel Messi, verði að sætta sig við að vera skipt af velli á leiktíðinni.

Messi var skipt af velli í 7-0 sigri Börsunga á Levante í 1. umferð spænsku úrvalsdeildarinnar um helgina. Argentínumaðurinn smávaxni er þekktur fyrir að vilja spila allar mínútur í öllum leikjum.

„Þetta snýst um jafnvægi. Ég er þjálfarinn og ég ræð,“ segir Martino. Hann reiknar þó ekki með að gera það að reglu að skipta Messi af velli í vetur. Hann myndi vara landa sinn við ef svo yrði.