Óvenju margar stelpur spila

Músíktilraunir hefjast á sunnudaginn í Hörpu þegar tíu fyrstu hljómsveitirnar af 39 stíga á stokk. Flytjendurnir eru af fjölbreyttum toga og munu rokkarar, raftónlistarmenn, harðkjarnasveitir, blúsarar og einherjar spreyta sig í keppninni.

Stelpur sem taka þátt í Músíktilraunum eru óvenju margar í ár, eða 21 talsins.

Undanúrslitakvöldin verða 17. til 20. mars í Silfurbergi. Úrslitin fara svo fram á sama stað laugardaginn 23. mars og hefjast þau kl. 17. Aðalbakhjarlar Músíktilrauna eru Icelandair og Sena.