Bowie neitar Morrissey

David Bowie hefur bannað Morrissey að nota gamla ljósmynd af tónlistarmönnunum tveimur saman framan á nýja smáskífu hins síðarnefnda. Morrissey endurútgefur lagið The Last of the Famous International Playboys í næsta mánuði og hafði hugsað sér að nota áður óbirta ljósmynd af þeim Bowie, sem var tekin í New York árið 1992, framan á umslagið.

Bowie skipaði útgáfufyrirtækinu EMI, sem hefur útgáfurétt á flestum verkum hans, að neita fyrirspurninni. Fyrrverandi söngvari The Smiths hefur því ákveðið að skipta Bowie út fyrir eitís-hetjuna Rick Astley, en þeir tveir voru myndaðir saman við upptökur á þættinum Top of the Pops árið 1989.