Á Kate von á stúlkubarni?

Ummæli Kate Middleton, hertogaynju af Cambridge, sem hún viðhafði á samkomu í Fiskisögusafni Grimsby hafa vakið upp gríðarlegar vangaveltur um kyn væntanlegs afkomanda hennar og Williams Bretaprins.

Þegar Diane Burton, íbúi í Grimsby, færði hertogaynjunni hvítan bangsa að gjöf mun Middleton hafa þakkað fyrir sig með þessum orðum: „Takk, ég tek við þessu fyrir d…“ og stoppaði svo í miðri setningu. Þegar annar gestur spurði Middleton hvort hún hafi ætlað að ljúka setningunni með „dóttur minni“ svaraði hertogaynjan: „Við ætlum ekki að segja frá.“