Reynsla Högna er ómetanleg

Hljómsveitin Hjaltalín er byrjuð að semja og taka upp tónlistina við leikritið Engla alheimsins sem verður frumsýnt í Þjóðleikhúsinu 20. apríl. Söngvarinn Högni Egilsson mun jafnframt taka þátt í sýningunni.

Þorleifur Arnarson, leikstjóri sýningarinnar, segir reynslu söngvarans ómetanlega, en Högni tjáði sig einmitt um geðhvarfasýki sína í blaðaviðtali í fyrra.

„Við tókum þá ákvörðun um að hann yrði hluti af leikhópnum," segir Þorleifur en Högni hefur hingað til ekki látið að sér kveða á leiksviði. Ekki hefur verið ákveðið hvaða hlutverki Högni gegnir.