Léttist um 58 kg - Ég var orðinn þungur á líkama og sál

Hjörtur Þórðarson garðyrkjumaður var einn daginn búinn að fá nóg því hann var orðinn það þungur að það bitnaði á flestu sem hann tók sér fyrir hendur og þar á meðal uppeldinu.

Hvað ertu búinn að léttast um mörg kíló og hvernig fórstu að því? "Í dag er ég búinn að léttast um 58 kg frá því í mars 2011. Ég byrjaði á því að taka til í mataræðinu. Hætti í brauði og gosi, sleppti nammidegi í heilt ár. Ég drekk nánast eingöngu vatn og borða grænmeti og ávexti sem ég var ekki vanur að gera áður. Svo byrjaði ég að fara í ræktina tveimur mánuðum seinna og þá fóru kílóin mjög fljótt að týnast burt."

"Þá bætti ég við Nutramino próteinsjeikum í millimál og eftir ræktina því við meiri hreyfingu fannst mér ég meira svangur. Ég fæ mér í dag alltaf Nutramino sjeik á morgnana og ávöxt. Ég borða próteinríkan hádegismat, venjulegan heimilismat á kvöldin og tek svo sjeikana í millimál og ávexti með þeim. Mér finnst líka Ice-teð frá Nutramino halda brennslunni í hámarki þannig ég drekk einn til tvo svoleiðis á dag. Ég leyfi mér einn nammidag á viku sem er þó tekinn með skynsemi í huga," svarar Hjörtur.

Hvernig leið þér áður en þú léttist? "Ég var orðinn þungur á líkama og sál. Ég vaknaði einn daginn og sagði við konuna mína að nú væri ég búinn að fá nóg og núna ætlaði ég mér að klára þetta mál. Eins svona barnanna minna vegna þá fannst mér þetta erfitt hvað þyngdin háði mér í leik og uppeldi."

Þetta hljómar eins og lygasaga – óraði þig einhvern tíman fyrir því að ná þessum árangri? "Nei í sjálfum sér gerir maður sér ekki grein fyrir því þetta geti gerst svona hratt en ef maður ætlar sér hlutinn þá gerist hann - en kannski ekki alltaf á þeim hraða sem maður óskar sér. Ég tók 50 kg á einu ári en núna eru farinn 8 kg á síðasta ári þannig þetta er rosalega breytilegt. Þetta er langhlaup þar sem maður tekur einn dag fyrir í einu."

En hvernig líður þér í dag tæpum 60 kílóum léttari? "Mér líður rosalega vel."