Grunur um að hermenn hafi stolið úr verslanamiðstöðinni

Verslunareigendur í Westgate-verslanamiðstöðinni í Naíróbí grunar að hermenn hafi látið greipar sópa í áhlaupinu á gíslatökumennina fyrir rúmri viku.

Brotist var inn í allar verslanirnar og að sögn Atul Shah, rekstrarstjóra einnar verslunarinnar, er um að ræða milljóna dala tjón sem rekja megi að hluta til til hermannana. Til dæmis hafi ekkert verið eftir inni í farsímaverslun og tölvuverslun þegar umsátrinu lauk. Þá hafi skartgripaverslanir einnig verið rændar og áfengi stolið af veitingastöðum.

Í samtali við AP sagðist sjónarvottur hafa séð hermann taka sígarettur úr vasa látins manns og annars fullyrðir að hermennirnir hafi stolið úr veskjum fólks sem lágu á víð og dreif eftir árásina.