Ég vil skilja fyrir barnið mitt

Raunveruleikastjarnan Kim Kardashian er búin að biðja dómara að gefa sér skilnað frá körfuboltastjörnunni Kris Humphries áður en hún eignast sitt fyrsta barn með tónlistarmanninum Kanye West.

"Ég trúi því statt og stöðugt að lok hjónabands okkar myndi skapa nýtt og betra líf fyrir mig. Einum kafla mun ljúka og nýr getur hafist. Það sama ætti að gilda um Kris," skrifar hún í pappíra sem hún sendi til dómara í síðasta mánuði.

Kim sótti um skilnað í október árið 2011 en þau Kris voru aðeins gift í 72 daga eins og frægt er orðið. Kim á von á sér í júlí og vill ljúka þessu máli fyrir þann tíma.

"Ég vil ekki vera gift þegar ég eignast barnið mitt. Ég vil að staða hjónabands míns verði ákveðin, ekki aðeins fyrir mig heldur líka fyrir ófætt barn mitt."

Þú gætir unnið - vertu með okkur á Facebook.