Stelpurnar okkar skildar útundan

Knattspyrnusamband Evrópu tilkynnti í gær hvaða 23 leikmenn hefðu verið valdir í úrvalslið Evrópumóts kvennalandsliða í Svíþjóð.

Athygli vekur að af þjóðunum átta sem tryggðu sér farseðilinn í átta liða úrslit keppninnar var Ísland eina þjóðin sem átti ekki einn leikmann í úrvalsliðinu.

Nýkrýndir Evrópumeistarar Þjóðverja eiga sex leikmenn í úrvalsliðinu, Frakkar fimm, silfurlið Noregs fjóra leikmenn líkt og Svíar, Danir tvo leikmenn og Ítalía og Spánn hvort með sinn fulltrúa.

Nadine Angerer, markvörður Þýskalands, var kjörin besti leikmaður mótsins.