Hafa ekki trú á því að Eduardo byrji

Króatísku dagblöðin eru byrjuð að spá í spilin varðandi byrjunarlið heimamanna gegn Íslandi í kvöld.

Dagblaðið Jutarnjiust telur að þjálfarinn Niko Kovac muni gera tvær breytingar á byrjunarliði sínu frá því í markalausa jafnteflinu gegn Íslandi. Spár blaðsins eru í takti við það sem undirritaður hefur heyrt frá króatískum blaðamönnum í aðdraganda leiksins.

Talið er að Eduardo da Silva og Ivo Ilicevic, sem var töluvert gagnrýndur fyrir slaka frammistöðu í fyrri leiknum, fari á bekkinn. Inn í liðið komi annars vegar Mateo Kovacic, leikmaður Inter, sem muni spila fyrir aftan Mario Mandzukic, framherja Króata. og hins vegar kantmaðurinn Ivica Olic sem oft hefur reynst Króötum vel þegar mikið hefur verið undir.

Byrjunarlið Króata verður að öllum líkindum þannig skipað:

Markvörður: Stipe Pletikosa, Rostov

Hægri bakvörður: Dario Srna, Shaktar Donetsk

Miðvörður: Vedran Corluka, Lokomotiv Moskva

Miðvörður: Josip Simunic, Dinamo Zagreb

Vinstri bakvörður: Danijel Pranjic, Panathinaikos

Hægri kantur: Ivica Olic, Wolfsburg

Miðja: Luka Modric, Real Madrid

Miðja: Ivan Rakitic, Sevilla

Vinstri kantur: Ivan Perisic, Wolfsburg

Framherji: Mateo Kovacic, Inter Milan

Framherji: Mario Mandzukic, FC Bayern