Sex manns stóðu að árásinni

Hernaðaryfirvöld í Kenía hafa nafngreint fjóra menn sem taldir eru bera ábyrgð á hryðjuverkaárásinni á Westgate verslunarmiðstöðina í Naíróbí í síðasta mánuði.

Breska ríkisútvarpið segir að sextíu og sjö hafi látist í árásinni og þrjátíu og níu manns sé enn saknað.

Stjórnvöld hafa hingað til sagt að tíu til fimmtán manns hafi tekið þátt í árásinni en yfirmaður lögreglunnar í Kenía tilkynnti í dag, eftir að hafa farið yfir upptökur úr öryggismyndavélum, að talið sé að þeir hafi verið færri, eða fjórir til sex.