Varirnar á Ásdísi Rán: Ég hef ekki látið setja gel í þær síðustu þrjú árin

Ásdís Rán Gunnarsdóttir ætlar að eyða páskunum í útlöndum í góðra vina hópi. Við spurðum Ásdísi líka hvort varnirnar hennar væru ekta. Hún átti ekki erfitt með að svara því.

"Þetta er lukkudýrið mitt sem yljar mér uppí sófa á kvöldin. Hann stendur sig vel, mjúkur og hlýr og kvartar ekkert," svarar Ásdís spurð um þessa mynd sem hún setti af sér á Instagram en eins og sjá má þar kyssir hún fugl.

Eru þessar varir ekta Ásdís? "Talandi um mínar frægu varir þá verð ég því miður að viðurkenna að þær eru bara náttúrulegar núna. Ég hef ekki látið setja gel í þær síðustu þrjú árin þannig að það er allt löngu farið. Fyrir þá sem ekki vita þá endist gelið í nokkra mánuði," svarar Ásdís.



En að öðru. Hvar verður þú yfir páskana? "Ég verð líklegast í London í smá páskadekurferð með góðra vinahópi eða í Bansko sem er skíða - SPA resort hérna upp í fjöllum í Búlgaríu."

Má ég spyrja þig hvort eyðir hátíðunum með elskhuga? "Nei enginn svoleiðis. Ég er piparjónka bara."