Veðurspáin fyrir þriðjudaginn lofar góðu

Ísland sækir Króatíu heim í síðari leik þjóðanna um laust sæti í lokakeppni heimsmeistaramótsins í knattspyrnu á þriðjudagskvöldið.

Flautað verður til leiks á Maksimir-leikvanginum í Zagreb klukkan 20.15 að staðartíma eða 19.15 að íslenskum tíma. Það lið sem sigrar í leiknum kemst á HM í Brasilíu, verði jafntefli niðurstaðan fer Ísland áfram nema í tilfellinu að jafnteflið verði markalaust. Þá verður framlengt og ef enn er markalaust gripið til vítaspyrnukeppni.

Veður í Zagreb með ágætum þessa dagana. Lofthiti yfir miðjan daginn er í kringum 10 gráður og lítill vindur. Því er ekki ástæða til annars að ætla en að völlurinn verði í góðu standi þegar íslenska liðið æfir þar á mánudag og svo aftur þegar leikið verður til þrautar á þriðjudag.

Veðurspár benda til þess að úrkomulaust verði allt þar til flautað verði til leiks á þriðjudagskvöldið. Þá megi eiga von á nokkrum dropum en vindur ekki meiri en í kringum 2 metrar á sekúndu.

Veðurspána fyrir næstu daga í Zagreb má sjá hér.