Bosnich vill að Ferguson þjálfi ástralska landsliðið

Þó svo Sir Alex Ferguson sé hættur að þjálfa þá eru alltaf til menn sem reyna að lokka hann aftur niður á hliðarlínuna.

Ástralir eru í leit að þjálfara en Þjóðverjinn Holger Osieck var rekinn eftir að liðið hafði tapað tveim leikjum í röð 6-0. Voru það leikir gegn Brasilíu og Frakklandi.

"Það er búið að kasta mörgum nöfnum upp í loftið en ég hef ekki enn séð nafn Alex Ferguson þar á meðal. Ég bendi á það nafn þó svo ég hafi meiri ástæðu en flestir til þess að láta það eiga sig," sagði markvörðurinn Mark Bosnich en ekki var gott á milli hans og Ferguson er hann lék með Man. Utd.

"Ég er bara að vera heiðarlegur. Ég veit hvernig þjálfari hann er og Ástralía á að reyna við hann."

Ferguson þjálfaði Skota á HM 1986 en liðið komst þá ekki upp úr riðlakeppninni.