84 tilkynningar um nauðganir árið 2012

84 tilkynningar um nauðganir bárust lögreglunni á höfuðborgarsvæðinu á síðasta ári og er því um 15% aukningu ef borið er saman við árin 2009 til 2011.

Þetta kemur fram í skýrslu lögreglunnar á höfuðborgarsvæðinu um afbrot á árinu 2012. Um 133 tilfelli um alvarlegar líkamsárásir voru kærðar til lögreglunnar í fyrra en 110 árið áður.

Um tuttugu þúsund aðilar voru kærðir til lögreglunnar á árinu ef allt er tekið saman.

Í 72% tilfella voru um karlmenn að ræða en 28% konur. Í 80% tilfella var aðilinn kærður vegna brota á umferðalögum.

Fram kemur í skýrslunni að 236 tilkynningar um kynferðisbrot hafi borist lögreglunni á síðasta ári. Af þeim bárust 64 tilkynningar um kynferðisbrot gegn börnum og 22 tilkynningar um vændi.

757 ofbeldisbrot voru tilkynnt til lögreglunnar á höfuðborgarsvæðinu. Eitt manndráp varð árið 2012 og fimm tilraunir til manndráps.

Árið 2012 var að jafnaði tilkynnt um 84 innbrot á mánuði eða þrjú innbrot á dag.

Hér að neðan má sjá skýringarmynd úr skýrslunni um kynferðisbrot á árinu 2012.