Búið að raða í styrkleikaflokka fyrir HM-dráttinn - Sviss í efsta flokki

FIFA hefur gefið út styrkleikaflokkana þegar dregið verður í riðla fyrir HM í Brasilíu næsta sumar en drátturinn fer fram í Bahia í Brasilíu á föstudaginn.

Sviss, liðið sem var með Íslandi í riðli í undankeppninni, er í efsta styrkleikaflokknum og sleppir þar með við að mæta sterkum þjóðum eins og Brasilíu, Þýskalandi, Spáni og Argentínu.

Króatar, sem slógu íslenska landsliðið út úr umspilinu um laust sæti á HM, eru í fjórða styrkleikaflokki en þar eru einnig Englendingar, Frakkar, Ítalir, Hollendingar, Bosníumenn, Grikkir, Rússar og Portúgalar.

Fjórði styrkleikaflokkurinn er með níu þjóðir innanborðs en áður en dregið verður á föstudaginn verður ein þjóðin í honum færð yfir í annan styrkleikaflokk. 

Það verður dregið um hvaða Evrópuþjóð dettur inn í annan styrkleikaflokkinn en það geta aldrei verið fleiri en tvær Evrópuþjóðir í hverjum riðli.

Liðunum 32 er annars skipt niður í átta riðla og eru fjórar þjóðir í hverjum riðli. Tvö efstu liðin úr hverjum riðli komast síðan í sextán liða úrslitin.

Styrkleikalistarnir fyrir dráttinn í úrslitakeppni HM 2014:

Fyrsti styrkleikaflokkur:

Brasilía

Belgía

Þýskaland

Spánn

Sviss

Argentína

Kólumbía

Úrúgvæ

Annar styrkleikaflokkur: (Asía og Suður-Ameríka)

Alsír

Kamerún

Síle

Fílabeinsströndin

Ekvador

Gana

Nígería

Þriðji styrkleikaflokkur: (Afríka og Norður-Ameríka)

Ástralía

Kosta Ríka

Hondúras

Íran

Japan

Suður-Kórea

Mexíkó

Bandaríkin

Fjórði styrkleikaflokkur: (Evrópa)

Bosnía

Króatía

England

Frakkland

Grikkland

Ítalía

Holland

Portúgal

Rússland