Del Bosque með spænska landsliðið til ársins 2016

Vicente del Bosque hefur gert nýjan samning við spænska knattspyrnusambandið um að vera með landsliðið til ársins 2016.

Del Bosque tók við spænska landsliðinu í knattspyrnu árið 2008 af Luis Aragones en hann stýrði liðinu sig sigurs á heimsmeistaramótinu árið 2010 og Evrópumótinu árið 2012.

Þessi 62 ára Spánverji mun því vera með liðið á HM í Brasilíu á næsta ári þegar liðið fær tækifæri til að verja heimsmeistaratitilinn.

„Ég get staðfest að ég hef skrifað undir nýjan samning við sambandið og verð með liðið til ársins 2016.“