Innlent

Kolbeinsey að hverfa

Heimir Már Pétursson skrifar

Þyrla Landhelgisgæslunnar TF-LIF fór í gæslu- og eftirlitsflug um Norðvestur- og Norðurmið í gær.



Í tilkynningu frá Gæsluni segir að m.a. hafi verið flogið yfir Kolbeinsey - útvörðinn í Norðri en þar hafi tveir bátar verið að veiðum. Alls hafi sést til um 20 skipa á flugleiðinni og mikið hafi verið af makríl í sjó frá Eyjafirði, Húnaflóa inn Mjóafjörð og í Faxaflóa.



Maður seig úr TF-LÍF niður á Kolbeinsey og var ekki að sjá að þar hafi verið byggður þyrlupallur árið 1989 sem áhöfn varðskipsins Óðins og starfsmenn Vita- og Hafnamálastofnunar byggðu. Síðan hafi eyjan jafnt og þétt minnkað.



En Kolbeinsey er nánast að hverfa og hefur klofnað í tvennt. Hún er nyrsti punktur Íslands og var miðað við hana þegar landhelgin var færð út í 200 mílur árið 1976. Þegar eyjan var mæld árið 2001 var hún aðeins 90 fermetrar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.