Segir hugmyndir um frestun sérkennilegar

Formaður Vinstri grænna segir hugmyndir forstætisráðherra og fjármálaráðherra um að fresta þingi í haust um þrjár vikur til að að ljúka gerð fjárlaga í tæka tíð, sérkennilegar og að flokknum lítist ekki vel á hugmyndina.

Fréttastofa Stöðvar 2 greindi frá því í gærkvöldi að Sigmundur Davíð Gunnlaugsson, forsætisráðherra, og Bjarni Benediktsson, fjármálaráðherra, hefðu óskað eftir því á fundi með oddvitum stjórnarandstöðuflokkanna að þingi yrði frestað í haust um þrjár vikur. Ástæðan er sú að ríkisstjórnin telur að ekki takist að ljúka gerð fjárlaga í tæka tíð., en fjárlagatið eru 20 milljarðar króna.

Formaður Vinstri grænna, Katrín Jakobsdóttir, segir hugmyndirnar sérkennilegar

„Mér finnst þetta sérkennilegar hugmyndir því fyrir örfáum árum var þingsetningu flýtt því þingmenn vildu meiri tíma til þess að fara yfir fjárlög,“ segir Katrín.

Leiðtoga meirihlutans hafa ekki útskýrt nákvæmlega hvað veldur því að þeir vilji fresta þingi. Katrín segir að þau frumvörp sem meirihlutinn hafi lagt fram, og miða að mörgu leytinu til að skerða tekjur ríkisins, hjálpi ekki til við gerð fjárlagagerðarinnar.

„Það er alveg ljóst að frumvörp sem meirihlutinn hefur lagt fram á þingi, og miða að því að skerða tekjur ríkisins, hjálpa við ekki að koma saman fjárlagafrumvarpi,“ segir Katrín og bætir við: „Og því er kannski ekki undarlegt að þeir hafi áhyggjur af því að berja saman fjárlagafrumvarpið.“

Katrín segist auðvitað hlusta á hugmyndir meirihlutans en til stendur að funda á ný í dag um málið. Aðspurð hvort Vinstri grænir hafi tekið afstöðu til hugmynda um frrestun, svarar Katrín því til að þeim lítist ekki vel á hugmyndina við fyrstu sýn.