Dauðinn heillar á Wikipedia

Tveir meðlimir vefalfræðiorðabókarinnar Wikipedia hafa tekið saman heimsóknartölur inn á vefinn, og niðurstöðurnar sýna að notendur hafa mestan áhuga á andláti fólks.

Niðurstöður tvímenninganna sýna glöggt að ekkert veldur umferðaraukningu inn á stakar greinar jafn hratt og dauðsföll, en hér fyrir neðan má sjá töflu yfir þær átta greinar sem flestir lásu á Wikipedia á einum klukkutíma á síðustu þremur árum.

Söngkonan Whitney Houston trónir á toppnum, en þegar andlát hennar bar að garði fór umferðin inn á Wikipedia-greinina hennar upp í 425 flettingar á sekúndum, en á klukkutíma voru heimsóknirnar rúmlega ein og hálf milljón.

Þá virðast tónlistarmenn sem koma fram á Superbowl einnig rjúka upp í vinsældum á Wikipedia samhliða framkomunni.